انا واخي

انا واخي

كان يامكان في سالف العصر والاوان

كان فيه شاب تزوج بنت << شي طبيعي بيتزوج بنت يعني في احد بيتزوج كائن غريب

المهم

صار يحب هالبنت بشكل غير طبيعي باختصار مجنووون فيها

وكتب الله ورزقهم بطفله وفرحت الاسره (الجد والجده والعم والعمه ...... الخ )

وابتهجت الحياة بوجه الابن

ومرت الايام والسنين ورزقهم ربي بنت ثانيه

فرح الولد فيها واستانس هو وحرمته وقالوا اللي من الله حياه الله

وفرحت الاسره الكريمه لكن ابوه مافرح كثير لانه يبي ولد

جا قال الولد خلاص يبه ان شاء الله ربي بيرزقنا وبتفرح وبسميه عليك

ومرت الايام والاسابيع والشهور والسنين

ورربي رزقهم بنت ثالثه

بس كانت في وقت مو حلو يعني كان الولد مسافر لاعماله التجاريه بعدين يوم رجع صارت الازمه وهكذا

لذلك الجد كان عقله مشغول وما حزن مره

جا قال الولد لابوه ان شاء الله ربي بيرزقنا وراح اسميه باسمك

واكيد هذي خيره

بعدين مرت الايام والسنين وكل شي

وجابوا بنت رابعه :s

هنا الجد طنقر ومل ويأس من ولده << انصدم نفسياخخخ

والولد وحرمته قالوا وش علينا هو من البقاله نشتريها

وصاروا كل مايجيبون بنت يحبووونها اكثر ويدللونها اكثر واكثر << لان الاب والام ذولي يمووووووووووتوون على البنات وربي حقق امنيتهم ورزقهم درزن الاشوي بنات ماشاء الله


بعدين حملت الام مرا خامسه وراحت تسوي اشاعه عشان تناظر جنس البيبي وقالوا لها ولد

ومير تفرح الام والاب فرح شديد

ويروح الولد لابووه يركض ويقول سميك بالطريق

ومير جدي يفرح فرح اشد من الشديد

المهم مرت 9 الشهور وراحت الام تولد لكن ماصار ولد صارت بنت << اللي هي انا << احب اسوي مفاجأت من يومي بطن امي

لكن سبحان الله من انولدت انولدت السعاده معها << على كلام امي وجدتي وجدي وعماني وكل العايله خخ

الجد مشى سوق تجارته وصار على بضائعه اقبال لدرجه انه فتح 15 محل ^^

واطلعوا في بيت جديد

وسمح لعياله يطلعون من بيته ويسكنون ببيوت لحالهم << ابوي وعمي فرحوا عشان كذا هع

وعمي الثاني نقلوا شغله بالرياض

وعماتي تزوجوا

المهم جلس الاب والام يدلعون بناتهم واكثر شي بنتهم الصغيره نظرا لهدوئها وخفة دمها :$ << فديتني

لكن بعد 4 سنوات حصل امر لم يكن بالحسبان بالنسبه للفتاة الصغيره (ملكعه )

وهو ان امها حامل وبولد << تهي تهي

الكل فرحان الا جدي << يقول تلعبون علينا هع

المهم ولدت الام وجابت ولد << حمود اخوي الله يرجه

ومير ملكعه تقطع شعرها من القهر وتقول يا انا ياهو بهالبيت

ولا قدرت تستحمل هالمفعوص وتبرت من اهلها وراخت عند جدتها << تبغى تكون اصغر شي باي وسيله

المهم خلوها امها وابوه مدة النفاس (40يوم )

بعدين رجعووها لكن رجعوا يدللون هالبنت وفهمومها انه اخوها ولازم تحبه وتخاف عليه وماتطقه ولاتعضه ولتقطع ملابسه ولاتخرب البيت وتقول محمد اللي خربه << ابدا ماسوت عكس هالاشياء هع

والبنت على طوول فهمت واستجابت للامر << ايه هين

عاد يوم استوعبت هذا الامر وانو خلاص الكائن غصب يصير اخوها حبته وصارت تخاف عليه لدرجه انها تأكله قبل ما تاكل << بغى يموت والسبه حبها هع

المهم كبر الولد وصار عمره سنه الاكم شهر والبنت عمرها 4سنين

المهم وهم رايحين لجدهم اللي وراهم على طول هم وامهم وخواتهم << يعني ااذا طلعتوا من بيتنا تروحون يمين بعدين يمين ثالث بيت لونه بني عنده شجر خخخ

طبعا اذا لفيتوا يمين بتشوفون بيت الجيران اللي عيالهم رجموا اخوي الجميل وخلوني اصيح عشانهم رجموه << اموت على المشاعر الساميه

المهم يوم وصلنا قلنا ابدن ولا نسكت ونقول لهم

ومير عمي يعصب وجدي بعد عصب يرجمون سميه << ياللهول هع

مير يخططون انهم هم وابوي ينادون عماني ويمسكون هالعيال ويجلدنهم لكن عمي قال

وش رايك يا ابو محمد البس عبايه انا وياك وناخذ معنا مفرش ونمهده كنه بزر (( يعني مثل محمد اخوي ))

قال ابوي تم

لكن عمي سافر يجيب جدتي من القصيم

وجلس ابوي يفكر ويفكر مين يمسك دور عمي مين

وطاحت عينه على امي وقال خلاص لقيت الحل بصوت عالي

قالت امي هااااو اي حل الله يهديك اصلن وش المشكله

المهم علمها الخطه

وقال انا بمسك العقال واوزيه بالعبايه وانتي امسكي المفرش

وابن ابوه يرجم << حاقد الوالد هع

المهم امي راحت تجيب ادوات الخطه ( عقال + مفرش + مهاد + كعب لها ولابوي هع + عبايه لها ولابوي + وشنطه اخوي )

بعدين صار ابوي ياخذ بروفات على الكعب ويتشمى فيه طول الليل << عشان يضبط الدور يقاله

ومير يجلس ابو محمد وام محمد ينتظرون اذان العصر << عشان يطبقون المهمه وياخذون حق ولدهم الوحيد

المهم اذن العصر وراح الوالد وصلى وجاء وعلى طول اخذوا الادوات

وراحوا يتمشون بالشارع ويروحون ويجون من عند باب الجيران لكن العيال مارجموهم

ومير يرجعون حزينين

ويتغدون وينامون نوم عميق << يعوضون سهر الايام الفاتت هع

توته توته خلصت الحتوته

ترا القصه حقيقه مو من نسج الخيال هع < يعني لاتنسون التقيم والرد


محبتكم //ملكعه

المصدر: منتديات المزون - من قسم: قصص قصيرة و طويلة و روابات

---

hkh ,hod

وربي روعه
ملكعه يعطيج الف عافيه وعن جد مبدعه واسلوبك مشوق بالطرح
راق لي ابداعك فتصفحته

لك كل الود ‏

.. القصة رووووعة ..~ْ

.. و خصوصاً أنها تلآمس وآقع حبيبتنا ..~ْ

.. و كنتي بطله حلوة و دمها خفيف ..~ْ

.. و أعجبني أسلوبكـ بروآية القصة ..~ْ

.. و زعلت ع حمود لما أرجموه ..~ْ

..

.. مآشآء الله عليكـ ميمي ..~ْ

.. إبدآآآآع ..~ْ

.. الله يحفظ أهلكـ و أخوآتكـ و حمودي ..~ْ


.. ودمتي لنا بهذا التألق أيتها الرآئعة ..~ْ

كما عودتنا الابداع ينطلق من بين اناملك

قصه حلوه وخفيفه دم زيكـ
آرفع قبعتي تقدير لتميزك

هههههههههههههههه

تسلم يمينك أختى على هالقصة الجميله

التي تحكي أشاء كثيره من الذين يتمنوون فينصدمون بالعكس



ملكعه

منجد رووعه يعجز لساني عن الوصف والقلم توقف واحتار

أمام ماكتبتى

مميزه ورووعه

يعطيك الله العافيه

ودي وتقديري